Fjalët e Granit Xhakës si kapiten pas barazimit në Old Trafford

10:59 | 1 Tetor 2019
Arbresh Info

Granit Xhaka ka reaguar me anë të rrjeteve sociale pas ndeshjes derbi mes Manchester United dhe Arsenalit në Old Trafford mbrëmjen e kaluar (e hënë).

Kapiteni i ri i “Topçinjve”, i cili mori shiritin në formë të përhershme te skuadra angleze javën e kaluar, ka lavdëruar skuadrën për “performancën e fortë” si mysafirë në takimin e xhiros së kaluar në Premierë Ligë që përfundoi baras 1 me 1, shkruan portali arbresh.info.

“Luftë intensive në Old Trafford dje. Urime të gjithë skuadrën për performancën e fortë”, shkruan Xhaka në profilin e tij në rrjetin social Instagram.

27-vjeçari u kritikua ashpër nga tifozët dhe analistët për “largimin e kokës” në supergolin e “Djajve të Kuq” në shtëpi, por Unai Emery i doli në mbrojtje duke hedhur poshtë diçka të tillë.

Arsenali luan ndeshjen e ardhshme ndaj Standard Liege në Evropa Ligë në kuadër të grupeve dhe Xhaka pritet të pushohet për këtë takim nga trajneri spanjoll./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm